Unit Reskrim Polsek Kampar berhasil maungkap kasus maliong kanderaan bamotor, kajadian ai Jumak malam (27/11) kikigho pukue 22.40. Pajie pancilok du ditangkok tigo jam sudah maloin sepeda motor RX King.
Pancilok du nomonyo inisial WP alias W (20) alamat KTP di Perumahan Palam Mas Desa Rimbo Panjang Kecamatan Tambang, Kampar. Baghang bukti ditangkok Polisi palaku maliong samo sepeda motor jenis Yamaha RX King BM-3325-MI nan dimaliong dek pajie du.
Aksi maliong go mulonyo pado Jumak (27/11) kikigho pukue 18.40, kotu tu David nan manjadi korban maliong motor go bau jo baliok ka umahnyo di Dusun 4 Desa Ranah Kecamatan Kampar.
David mamarkirkan sepeda Yamaha RX King punyo nyo du di teras umahnyo, tu masuok ka dalam umah untuok mandi jo makan malam. Sudah makan David barencana nio pai roun kojab kolu, ndak ketek takojuik David kotu nengok Yamaha RX King nyo la ndak nampak cinok leh. Lah diloin dek maliong.
David manalepon kongkowannyo mangabarkan kalau RX King punyo inyo bou kan diloin dek maliong. Kawan komunitas David basigogeh mancai RX King punyo David ka ulak jo ka mudiok.
David nan lah ghisau kahilangan RX King kikigho ogo mole juta du, malapor ka polisi di Kantor Polsek Kampar.
Pak polisi AKP Tri Budianto SH SIK nan marupokan Kapalo Polsek Kampar manyuo Kapalo Unit Reskrim Iptu Darman Siswanto jo Tim Opsnal Polsek malakukan panyalidikan.
Kikigho pukue 20.00 pak Polisi dapek impo dai grup komunitas RX King kalau RX King punyo David nampak malinte di daerah Kecamatan Tampan Kota Pokanbau.
Dapek kabar itu, Kanit Reskrim Iptu Darman samo Tim Opsnal Polsek lansuong mancai impormasi lobio dalam, sakitar pukue 22.40 pajie nan maloghin RX King David du ditangkok dan dibok ka Polsek Kampar untuok ditanyo-tanyo dek pak Polisi.
Kosan pajie nan maliong go kutiko dicek ayu konciongnyo positip Amphetamine, arotinyo pajie go pakai narkoba.
Langsuong lah maliong nan banamo WP alias W jo baghang bukti ditahan di polsek untuok manjalani proses hukum.
Sanak ocugo dimano pun baado, totap waspada yie, kok nak maninggalkan sapeda motor biasokan kunci ganda. Nak yo jan jadi korban condo cu David go. Awak minimalisir ruang untuok palaku kajahatan. Kadang aksi kajahatan go tajadi dek ado kasompatan.
(Rilis Polres Kampar disadur dari website Datariau.com dan diterjemahkan ke dalam Bahasa Ocunesia)
Sekali ko den nengok berita pakai bahaso ocu bau.. jagok cu..😂😂👍
BalasHapusSekali ko den nengok berita pakai bahaso ocu bau.. jagok cu..😂😂👍
BalasHapusMntap klu lai ado barita pakai bahaso ocu... Towikn semangat kan kwn sanak .. Nyaleo lo dek mambaco, takonang momonuong dilai balai ditopian zaman saetuu... Salam semangat dari putra Andesmarja(anak desa muarajala) bawo city🙏
BalasHapusha tia jagok tio ocu nan buek berita ko, nyalegho mbaco e.. golak2 suwang wak dek e.. lanjutkan perjuangan cu, maliong cako badopak 5 th panjao du.
BalasHapus