Ocugo - Tim Opsnal Satresnarkoba Polres Kampar manangkok duo pamuda Desa Muara Jalai Kecamatan Kampar Utara nan talibat kasus narkoba, Jumat (8/2/2019). Koduo tasangko nan ditangkok polisi adolah inisial HF alias H (28 tahun) jo MR alias R (22 tahun). Dai koduo palako go, diamankan sapaket narkotika jenis sabu nan dibungkui plastik boniong jo sociek dompet warna cokelat baisi piti ompek atui limo ribu. Pangungkapan kasus iko bamulo pado Jumat kio-kio jam 00.30 lawik ai, Tim Opsnal Satresnarkoba Polres Kampar dapek informasi ado transaksi narkoba di Desa Muara Jalai. Dapek informasi itu tim polisi langsuong mandatangi daerah itu untok malakukan panyalidikan. Tim polisi bahasil manangkok HF jo kowannyo MR. HF kotu ditangkok cucubo lo nak lai sambie mambuang baghang bukti narkoba. Tapi upayanyo du sio-sio, polisi lobio codiok dan bisa mangamankan palaku jo baghang bukti. Kapolres Kampar AKBP Andri Ananta Yudhistira SIK MH malalui Kasatres Narkoba Iptu Asdisyah Mursid SH mengatokan bahwa