Maliong Bosi Pabrik, Limo Palaku Ditangkok Polisi

Ocugo - Limo pelaku yang terlibat maliong bosi pabrik di PT BTR Perhentian Raja Kampar, ditangkok Polisi. Mulonyo duo ughang ditangkok, hasil pengembangan ditangkok pulo tigo ughang lainnyo, pado Salasa (5/2/2019) sakitar jam ompek songa sore.

Duo ughang palaku yang ditangkok di lokasi adolah inisial AD (21 tahun) jo AM (17 tahun) nan marupokan warga Desa Pantai Raja Kecamatan Perhentian Raja.

Tigo palaku lainnyo yang ditangkok yakni inisial HF (43 tahun), PA jo AB, katigonyo ko ditangkok wakotu di umah HF, yang manampuong bosi curian dai pabrik PT BTR.

Kasus iko taungkap kotu sekuriti PT BTR banamo Ari Wibowo tasobok tigo ughang sodang mancilok bosi-bosi spare part pabrik di PT BTR.

Sambie nyondok-nyondok, Ari Wibowo manuwik kamano bosi itu dibok dek tigo maliong cako. Kosan bosi du dibok ka tompek jual kara-kara, tibo di situ maliong du langsuong ditangkok dek sekuriti Ari Wibowo nan dibantu kawan-kawan sekuriti lainnyo. AD jo AM ditangkok di lokasi tu.

Sekuriti manyorahkan duo pelaku go ka Polisi di Polsek Perhentian Raja, samo barang bukti baupo 1 unit becak, duo koek cakar oven drum, sakoek plat ukuran 8 mm, 1 bosi UNP 125, sakoek plat tutup mesin, jo sakoek flange.

Kalau ditotoko kio-kio perusahaan ugi sakitar tigo juta. Mako perusahaan mambuek laporan polisi nak yo kasus ko diungkap sacaro hukum.

Manowin laporan iko, polisi pun tuwun ka lokasi, malakukan pangombangan kasus tadi.

Kosan di uma HF ado motor pekap Suzuki Carry warna itam nomor polisi BM 8680 TT bamuektan bosi spare part pabrik punyo PT BTR cako. Kok diituong-ituong, karugian perusahaan sakitar ompek puluo juta. Mako HF diamankan pulo dek polisi, kotu ditanyo dai mano dapek bosi du, nyie HF boli ka AB potang, mako AB pun ditangkok polisi. Nyie AB ko pulo, bosi-bosi du diboli dai AL yang manciloknyo dai PT BTR, mako sosodo nan tasangkuik jo kasus ko tamasuok barang bukti diangkuik polisi ka Polsek untuk ditindaklanjuti pangungkapannyo sacaro hukum.

Kapolres Kampar AKBP Andri Ananta Yudhistira SIK MH malalui Kapolsek Perhentian Raja Iptu Zalfatriano SH meiyokan bahwasonyo sosodo palaku nan tasangkuik kasus ko lah diamankan, tamasuok baghang bukti juo diangkuik ka Mapolsek. (*)