Cilako, Aya di Duyan Tandang Parkosa Anak Tighi

OCUGO - Ndak saketek cilako poghangai datuok iko cu, umu lah dokek ka pintu kubu, tapi nafsu masih manggilo. Anak tighi nan masih baumu ompek bole taun diparkosanyo.

Datuok ko banamo BS alias AB (inisial go cu, ndak bulio sobuik namo asli, kode etik), umunyo 63 taun warga Dusun tigo Duyan Tandang Desa Kualu kecamatan Tambang Kabupaten Kampar, ditangkok polisi di uma nyo pado Jumak tangal sapuluo mei duo ibu sambilan boleh pagi sakitar jam sapuluo lewat ompek puluo limo minik.

Ontunyo datuok go mamparkosa anak tighi nyo, pado komi tanggal sambilan jam tigo sore, okak pajie go mangadu ka omak kalau odiok nyo inisial M diparkosa dek aya tighi nyo.

Mandongou cito nak gadih nyo, omak pajie go banamo inisial Y, langsuong mananyokan ka anak nyo nan diparkosa du, apo iyo nyo diparkosa laki baghu amak? kosan iyo tio nak gadi nyo du ngaku lah sering diparkosa aya tighi nyo.

Kudian ko aya tighi mamparkosa M Sotu tanggal ompek bulan mei sore sakitar jam tigo, M di umah wakotu tu boduo jo nyie samo aya tighi nan dipanggial Abah dek nyo, M dibo ka kamar dek aya tighinyo du, tajadi lah aksi pamarkosaan anak dibawa umu dek datuok cilako du.

Sudah malampiaskan nafsu setannyo, palaku mangancam anak tighinyo ko nak yo jan mancitokan ka siapo jo tontang apo nan tajadi, kalau dicitokan aya gaek ko mangancam anak go kan dipipijak. Manggegek lah anak ko katakuiktan.

Kosan kalakuan aya tighi ko ka M lah kodok dibueknyo sojak taun duo ibu lapan bole komua. Omak korban ko langsuong malapor ka polisi di Polsek Tambang, Kapolsek Tambang Iptu Jurfredi SH perintahkan anggota Unit Reskrim Polsek Tambang untuok malakukan panyalidikan.

Tim Opsnal Polsek Tambang mangumpuen katerangan-katerangan dai korban dan saksi-saksi, jo maminta hasil pariso visum korban, lah dapek bukti kuek, langsuong ditangkok AB di umahnyo, kosan gaek ko lah siap-siap nak ba ambui.

Untuong pak polisi copek datang langsuong mambok gaek cabul du ka kantor polisi untuk ditahan jo ditindak sosui hukum nan balaku.

Iko palajaran baharogo cu, jago elok-elok bonou anak kito, kok etek-etek nan maghando taghaso nio balaki baghu, pikiu-pikiu bonou, apo lai kalau punyo nak gadi, pilio la laki nan botue-butue kan manjago, jan sampai bak papata lamo, pagau makan tanaman. (*)