OCUGO - Carnaval dan Lomang Singgang nan manjadi panutuik dalam rangko mamariahkan Ai Jadi Kabupaten Kampar ka-69 taun 2019 manjadi parhatian masyarakat Kota Bangkinang sakitarnyo.
Iko dibuktikan amainyo masyarakat nan tibo manengok acara itu, yang dilope sacaro resmi dek Sekda Kampar Drs Yusri MSi, nan dalam kasompatan itu mawakili pak Plt Bupati Kampar Catur Sugeng yang bahalangan hadir.
Ado babaapo acara nan lah dilaksanakan, main voli, kesenian rakyat, kampar expo, panjek batang pinang, dan taakhir iko carnaval budaya jo lomang singgang.
Sabanyak sibu mo atui batang lomang sanggang atau lomang panggang dibagikan dalam acara itu, nan dilaksanakan di Arena Kampar Expo Lapangan Merdeka Bangkinang ai Salasa tanggal limo Februari duo ibu sambilan bole.
Kegiatan itu sa ai sabolun palaksanaan Paripurna Istimewa HUT Kampar Ke-69 yang kan diadokan di DPRD Kampar dan juo akan ado acara makan bajambau di Balai Adat Kampar, juo ado makan basamo masyarakat di Gedung Mahligai Bungsu.
Hadir dalam acara lomang sanggang iko Ketua DPRD Kampar Pak Ahmad Fikri SAg, Kakan Kemenag Kampar Pak Alfian MAg, para kapalo OPD di lingkungan Pemkab Kampar saroto paro undangan jo ribuan masyarakat.
Koordinator Expo, Zulia Dharma nyie nyo ada sambilan puluo tujuo stand nan ditampilkan pado ajang itu, tacatat ado onam bole ghibu ughang masyarakat yang mangunjunginyo.
Koordinator Kagiatan Buek Lomang Singgang, Nurhasani MM dalam arahannyo, nyie nyo kegiatan buek lomang du diikuti masyarakat sa kabupaten Kampar, sabanyak sibu mo atui batang lomang singgang dibuek malibatkan duo puluo satu kecamatan di Kampar.
Taun dopan nyie Buk Nurhasani kan lobio banyak podo taun iko lomangnyo nan kan dibuek.
Dalam kasompatan itu pulo diumumkan sasiapo jo nan elok manghidangkan lomang nyo. Taelok nomor sociek adolah Kecamatan Kampa, Kuok, Kampar Kiri Tengah jo Kampar. Ta elok ka limo diraih dek Kecamatan Perhentian Raja. Nan ta elok dalam panyajian lomang iko, dapek piti untuok pambinaan. (*)
Komentar
Posting Komentar