OCUGO - Tapahapo kojo pojie Kualu iko, namonyo inisial AE (33) samo kowannyo inisial DS (18) ughang Jalan Paus Pokanbau, tatangkok dek warga sobab maliong sapi punyo Marzaini (42) ughang Toluok Kanidai, Kacamatan Tambang, Kabupaten Kampar. Duo maliong go dibok ka kantor polisi Polsek Tambang padi Senin (17/12/2018).
Dai tangan pareman ko diamankan baghang bukti siku sapi tino warna oren samo motor L300 warna hitam BM 8586 KA.
Tatangkoknyo pareman ko bamulo wakotu Ahad (16/12) sakio jam 17.30 Wib, waktu tu pak Marzaini malotakkan sapinyo sabanyak 22 iku di sampiong kolam Pak Win di dusun duo desa Toluok Kanidai. Siap mangobek sapi di situ, pak Marzaini pulang ka umah yang ndak jauo dari kolam. Sajam balalu, pak Marzaini tadi baliok ka kolam untuok mambuek unggun maasok sapi nak jan digigik nyamuok, kosan ilang sapinyo siku.
Panik, pak Marzaini langsung mancai sapinyo nan hilang ulak ka mudiok tapi ndak bosuo, sampailah malam dan dini ai, jam 00.30 Senin (17/12), dapeklah barita dai Icun Ketua RT nyie nyo ado maliong sapi tatangkok warga di jalan parumahan H Arin.
Cacopek pak Marzani manengok maliong, sampai di lokasi iyo tie kosan sapi punyo pak Marzani lah tatonggok di ateh motor pekap L300 ditangkok warga.
Jam 01.30 dini hari Kanit Reskrim Polsek Tambang Aiptu Dodi Satria yang dihubungi Kadus Toluok Kanidai, mangabarkan duo maliong ditangkok warga.
Dapek laporan itu Kanit Reskrim samo Anggota Bripka Robby Lumban Batu dan Bripka Lupis Dianto langsuong mandatangi lokasi mangamankan pareman du longkok baghang bukti, babok langsuong ka Polsek Tambang. (ocu)
Komentar
Posting Komentar