OCUGO - Basobab ayu soghok nan tibo di Kampar kini lah tajadi pulo tanah longsor dek turap untuo di Desa Sungai Tarap Kecamatan Kampa. Sekretaris Daerah Kabupaten Kampar pak Yusri lah sampai ka lokasi manengok kondisi longsor du potang, Senin (17/12/2018).
Nyie pak Sekda, hampiu 600 meter turap nan untuo di duo desa, yakni Desa Sei Tarap jo Desa Tanjuong Bungo Kecamatan Kampa.
Sekda Kampar dalam kunjungan du didampiongi Kapalo Pelaksana Badan Penanggulangan Bencana Daerah (BPBD) Kampar M Yasir, Kapalo Dinas Sosial Kabupaten Kampar M Amin Filda, Camat Kampa Khalis Febriyasmi jo Kapalo Desa Sungai Tarap Khairul Anwar jo Kapalo Desa Tanjuong Bungo Manizar basaroto pulo tokoh masyarakat satompat.
Pak Sekda minta nak yo korban longsor go didata jo diituong bapo ugi dek bencana du, sobab bakaitan jo sungai nyie pak Sekda tanguong jawab APBN, mako kan dibuek proposal dek pamarintah untuok disompaikan ka pamarintah pusat untuok mambantu korban yang konai longsor go.
Tok samantao, pamarintah Kampar siap bilo diparolukan untuk mambuek tenda tompek mangungsi samantao jo dapu umum untuk korban longsor go. Sobab, dalam kunjungan du, pak Sekda lah manyobuik ka warga nak yo jan batahan di dalam umah yang rawan konai longsor. Warga yang punyo umah dokek lokasi longsor diminta pindah mangungsi di tompek yang aman.
Pak Kades Sei Taarap Khairul Anwar nyie nyo ado 6 umah warga yang come masuok ka sungai akibat longsor go, sabagian umah lah untuo masuok sungai. Turap sapanjang 300 meter di lokasi du lah roboh manyobabkan akses jalan warga putui.
Condo tu juo nan disobuik Pak Kades Tanjung Bungo Manizar, sapanjang lobio kuang 200 meter turap di desanyo untuo, babaapo umah come untuo. (ocu)
Komentar
Posting Komentar